Doi fantats a cjatin a Udin un tacuin plen di bêçs e lu puartin in Cuesture

Joibe passade, cuant che a son jessûts de palestre tal dopomisdì sul tart a Udin, doi fantats di 16 agns a àn cjatât par tiere un tacuin cun dentri documents, cjartis di credit e 1.700 euros in contants; i doi zovins no àn pensat parsore nancje un minût e lu àn puartât   li de Cuesture.

L’agjent che al jere di servizi al à daurman contatât la siore che e veve pierdût il tacuin e che in pôc timp lu à vût indaûr. Miercus ai 18 di Jugn, di matine, il cuestôr Pasquale Antonio De Lorenzo al à ringraciât in maniere uficiâl i doi students pal lôr compuartament “encomiabil e che al mostre un sens civic une vore alt”.

Ai doi fants al è stât consegnât pe ocasion un ricognossiment simbolic de Polizie di Stât. (a.d.g.) – 19.06.2026