Doi fals tecnics dal gas a svuedin la cjase di un vecjo a Udin

Doi delincuents a àn rivât a jentrâ dentri de cjase di un anzian par puartâi vie lis zoiis. Al è sucedût a Udin, in vie Leonardo da Vinci, indulà che ae puarte di un vecjo di 92 agns si son presentâts in doi. Fasint finte di jessi tecnics, a àn dit al om che e jere une fuide di gas di un implant di riscjaldament. I doi laris a jerin vistûts propit come dai tecnics cun tant di false targute sul pet. Cussì a àn podût lâ ator pe cjase de vitime e puartâ vie dute la robe di valôr. Sul câs a son in vore i carabinîrs. (a.d.g.) – 10.06.2024