La militâr americane Julia Bravo, de base di Davian, che ai 21 di Avost dal 2022 e veve tirât sot e copât Giovanni Zanier di 15 agns di Purcie, e je stade condanade a 2 agns e 6 mês di preson par omicidi stradâl dal tribunâl di Pordenon, ancje se la pene e je stade sospindude parcè che e à mancul di 21 agns.
La zovine e veve cjapât sot il fantat intant che al jere fer dilunc de piste ciclabile in vie Roveredo. Inte sentence, ae femine difindude dal avocat Aldo Masserut, no je stade aplicade l’ingriviament pe vuide in stât di ebrietât, ma dome la velocitât masse alte de sô auto, e chest ancje se i esams fat intal ospedâl a vessin mostrât un tas di alcul di doi grams par litri intal sanc. Dilunc dal procès nol è stât di fat pussibil fissâ cun sigurece il valôr di alcul cuant che al è sucedût l’incident. La famee Zannier, judade dal avocat Fabio Gasparini, e ve za otignût un risarciment intai mês passâts. (a.d.g.) – 18.03.2024
