La gnove vacine anti-Covid – ‘bivalent’ – e sarà disponibil intai centris vacinai dal Fvj di doman, martars ai 13 di Setembar, par ducj i citadins che a volaran fâ il riclam. La prenotazion e je za ative e, pes feminis che e spietin un frut, al è pussibil prenotâ tacant di vuê, lunis ai 12 di Setembar (ativazion passât misdì). Lu fâs savê il vicegovernadôr cun deleghe ae Salût dal Friûl Vignesie Julie, Riccardo Riccardi rts.
I citadins a podaran prenotâ la vacine ai sportei Cup, intes farmaciis, cun webapp o call center (0434/223522, atîf di lunis a vinars des 7 di matine aes 7 di sere, sabide des 8 di matine aes 5 dopomisdì). Lis vacinis bivalentis anti Sars CoV-2 a puedin jessi soministradis a diviersis categoriis di citadins, al baste che a sedin passâts almancul 120 dîs de prime dose di riclam, dal cicli primari, o de ultime infezion (dade de prove diagnostiche positive). (ADG) – 12.09.2022
