Discomuts par vie dal maltimp in regjon

Il maltimp che al à batût la nestre regjon ancje se nol à fat i disastris viodûts in Venit, al à creât une vore di problemis par vie de tampieste e dal aiaron.

Vuê di matine a son stâts ritarts fuarts pal traspuart feroviari cuntune desene di trens in ritart fintremai a 80 minûts tal toc di Udin a  Triest, par vie di problemis dongje S. Zuan dal Nadison.

Îr invezit i temporâi a àn batût soredut il Friûl di mieç di Gnespolêt e fintremai a Cividât. La tampieste vignude ju e je stade cussì tante che tai cjamps e su lis stradis e je rivade fintremai a 3 centimetris. Su la mont al à neveât e, tai dîs che a vegnin, tacant di joibe, an podarès rivâ ancjemò fintremai ai mil metris di cuote. (a.d.g.) – 12.05.2026