66
Agression une vore grivie îr sot sere a Martignà, tor des 7 e mieze cuant che, daspò de fin de partide tra la scuadre Union Martignacco e chê dal Unione Fincantieri Monfalcone, buine pal campionât juniores, un om al à tirât un pugn une vore violent che al à cjapât in plen tal timpli Marco Cimenti, diretôr sportîf de Union Martignacco.
L’om al è colât par tiere e al à pierdût i sintiments par cualchi secont. Une vore cognossût tal setôr dai diletants in regjon, Cimenti al è stât puartat daurman tal ospedâl di Udin, indulà che al à passade la gnot in osservazion.
La dirigjence de scuadre di Monfalcon e à fat savê che e je stade daurman inviade une investigazion par scuvierzi cui che al à pacât Cimenti. (a.d.g.) – 06.10.2025
