Denunziâts doi cjocs in bale che a vevin dât cuintri ai carabinîrs

Doi furlans cjocs in bale, un di 41 e chel altri di 49 agns, a son stâts denunziâts dai carabinîrs par ve bevût masse, par resistence e ofese a public uficiâl. Il fat al è sucedût a Paulêt, indulà che i doi a vevin dât fastidi ai clients dal pub The Bridge House, par dopo dâ cuintri ai carabinîrs cirint ancje di scjampâ dai controi.

Simpri i carabinîrs a àn ancje denunziât cinc personis par ve vuidât cjocs e lis lôr patentis di vuide a son stadis ritiradis. (a.d.g.) – 19.03.2026