Denunziât un zovin di Tisane par spaç di droghe

I carabinîrs dal Nucli operatîf e radiomobile de Compagnie di Tisane  a àn denunziât un zovin di 21 agns che al vîf a Tisane par detenzion cul fin dal spaç di droghe.

Dilunc di un normâl control, vie pe gnot passade, la machine vuidade dal zovin e je stade fermade a Palaçûl. Daurman i militârs a àn nasât un fuart odôr che al rivave de machine e daspò di un control a àn cjatât, ben platade, hashish, mariuane, ecstasy e cocaine, za pronte in pacuts pal spaç; cun diplui al è saltat fûr ancje un belancin di precision, ancje chel secuestrât. (a.d.g.) – 14.04.2026