111
Un dipendent de Asufc, la Aziende sanitarie universitarie dal Friûl Centrâl al è stât denunziât par robarie di medisinâi e dispositîfs miedis. Cheste matine i carabinîrs dal Nas, che intant a vevin vût segnalazions a rivuart, a son rivâts intal ospedâl Sante Marie de Misericordie di Udin dulà che l’om al lavore tant che operadôr soci sanitari. Sometût a percuisizion, al è stât cjatât in possès di farmacs e dispositîfs miedis par un valôr di 500 euros.
Il diretôr gjenerâl AsuFc, Denis Caporâl, cence vê avonde informazions sul episodi al à vût miôr no comentâ la gnove. (A:D.G.) – 21.12.2022
