Prime al à sburtât par tiere un agjent e daspò al à scjampât vie di corse suntune moto cence targhe. Si trate di un om di 50 agns resident tal teritori di Tumieç, che i agjents de Polizie locâl de Comunitât de Mont de Cjargne a vevin viodût la ator une vore di corse tal Lui passât.
I agjents a vevin rivât a cjatâ la moto parcade suntune strade dal centri di Tumieç e cussì a vevin spietât l’om. Cuant che il motociclist al è rivât i agjents a vevin domandât i documents, ma lui invezit di dâju al partît di corse e in chel moment al à ancje fat colâ un agjent e a diliberâsi de prese di un altri.
La analisi des videocjamaris di control e veve permetût di scuvierzi cui che al jere il vuidadôr. Su decision de procure di Udin, la so abitazion e je stade percuiside e la moto e je stade metude sot secuestri. L’om al è stât denunziât ancje par lesions personâls e dinei di da lis sôs gjeneralitâts. (a.d.g.) – 31.08.2026
