Denunziât de Vuardie di finance un impresari par fraude sui bonus pe edilizie

I agjents de Compagnie de Vuardie di finance a àn scuviert une fraude cun credits di impueste par passe 360 mil euros in graciis di lavôrs su cjasis mai fats. Il reât al è saltat fûr dilunc dai controi sui bonus pe edilizie che a àn permetût di cjatâ cetantis faturis par intervents mai inviâts e su cjasis che no esistevin. Par di plui, che a domandavin di fâ i lavôrs cuvierts dai bonus no jerin nancje proprietaris di cjasis.

Il titulâr di une dite individuâl furlane al è stât denunziât par emission di faturis par operazions che non esistevin e fraude ingriviade par otignî bêçs publics.  Lis investigazions a stan lant indenant par cjatâ se a son responsabii dai fats ancje altris sogjets cjapâts dentri. (a.d.g.) – 13.04.2026