Il Cuestôr di Udin al à decidût la sospension par siet dîs de licence di spetacul public di une discoteche citadine cognossude, dopo dai fats grâfs sucedûts la gnot dai 18 di Dicembar.
Il proviodiment di sierade, mandât fûr di urgjence, al è stât notificât vuê al gjestôr, cun aposizion dai sigjîi ae jentrade dal locâl.
Domenie di gnot il personâl de Polizie di Stât al jere stât clamât a intervignî par judâ un fantat, ancjemò minôr, distirât a tiere sul liston devant de discoteche, intun stât di alterazion grave pal abûs di sostancis alcolichis. Il zovin al jere stât dât al personâl sanitari che, dopo lis primis curis, lu veve traspuartât in pront socors.
La discoteche za in passât, e in particolâr intal ultin an, e jere stade teatri di numerôs episodis grâfs, cun barafes tra grups di zovinis, che cierts di chei cun precedents, dovudis dispès al abûs di alcul, tant che cierts aventôrs a jerin finîts al pront socors dopo des lesions patidis. (A.D.G.) 22.12.2022
