De Universitât di Udin une app par lâ a vore intun

Dai 17 di Otubar al tache ae Universitât di Udin il servizi gratuit di “carpooling”, ven a stâi la condivision cui coleghis de machine privade par rivâ a une des sedis dal Ateneu o tornâ a cjase. Pensât par students, docents e personâl, in graciis di une app discjamabil sul celulâr, al permetarà a compagns di studi o di lavôr di planificâ -o ancje sielzi al ultin minût – la trate in auto par lâ ae universitât. In chest mût al sarà pussibil sparagnâ sui coscj di viaç, contribuî a decongjestionâ il trafic, calâ lis emissions incuinantis e miorâ i rapuarts interpersonâi. (A.I.) – 13.10.2022