55
La Regjon Friûl-Vignesie Julie e à metût pardabon di corse a disposizion cinc milions e 550 mil euros par meti in sigurece dal risi di inagaments dai comuns di Tisane, Lignan e Aquilee, batûts dal maltimp che al è stât ai 22 di Setembar.
I bêçs, che a rivin dal font regjonâl de Protezion civîl, a permetaran di fâ intervents urgjents cun oparis di risistemazion e prevenzion.
A visâ dal proviodiment al è stât vuê di matine tal municipi di Tisane l’assessôr regjonâl ae Protezion civîl Riccardo Riccardi, presints ancje i trê sindics e i tecnics dal Cafc e dal Consorzi di bonifiche dal Plan furlan. (a.d.g.) – 24.10.2025
