Cuintribandîrs di spagnolets cjapâts al confin di Rabuiese

da Alessandro Di Giusto

Cuarantedôs stechis di spagnolets di divignince turche e bulgare, che a stavin par jessi impuartadis in maniere ilegâl, a son stadis secuestradis intai dîs passâts de polizie di frontiere al confin di Rabuiese.

I agjents, impegnâts intai controi, a àn fermât une auto che e rivave de Bulgarie cun dentri trê personis.

Dilunc des verifichis documentâls, la atenzion de polizie si è concentrade ancje su la cjame dentri dal mieç. Cul aiût de Vuardie di Finance, e je vignude fûr la ilegalitât complete dal traspuart di spagnolets e il fat che, za in passât, il vuidadôr dal mieç al veve passât il confin di stât traspuartant une cjame di tabacs lavorâts forescj, cence la autorizazion necessarie.

I vot chilos di spagnolets a son stâts secuestrâts e il citadin bulgar sanzionât par plui di 43 mil euros. (a.d.g.) – 05.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui