A son cuindis i imprenditôrs cinês, che di chei 13 a son titulârs di impresis in vore tal Friûl Ocidentâl, che a son stâts denunziâts dai Financîrs dal Comant provinciâl di Pordenon par vie de presentazion, intes lôr declarazions fiscâi, di coscj leâts a operazions mai fatis.
Al è il risultât de operazion “Tiresia”, fate des Flamis Zalis dal Nucli di Polizie economiche – finanziarie di Pordenon, coordenade dal ufici di Vignesie de Procure europeane. Des investigazions al è saltât fûr che 13 aziendis locâls, dutis vuidadis di citadins cinês, a vevin metût inte lôr contabilitât faturis par plui di 10,5 milions di euros (par une Iva pâr a 5,5 milions di euros), fatis di une schirie di aziendis – cuasi dutis in Lombardie – intestadis a altris cinês ma che in efiets, a jerin ducj vuidâts di une sole regjie. (a.d.g.) – 26.05.2025
