35
Pocje o nissune cognossince dal teritori, une sielte sbaliade e il scûr. Pi di mancul a àn cirût di passâ il Tiliment vie pe gnot di îr, dongje Osôf, cuntun furgon che però al è restât blocât inte glerie. E cussì une cubie di forescj e à scugnût molâ dut e scjampâ a pît bande de rive, par no cori il risi di jessi puartâts vie de aghe.
Une volte al sigûr i doi a àn domandât jutori: sul puest a son rivadis dôs scuadris dai Vigjii dal fûc che a àn scugnût lavorâ a lunc par rivâ a meti prime in sigurece il furgon e daspò, no cence fature, tirâlu vie dal flum. (a.d.g.) – 01.09.2026
