Menacis, colps tirâts bande di une cjase par vendicâsi e armis platadis intune machine. Chest al è il senari che al à puartât i carabinîrs di Tisane a denunziâ une cubie, un om e une femine, pai reâts di menacis e possès ilegâl di armis o ogjets che a podevin causâ dam.
I carabinîrs a son intervignûts inte matine dal gnûf an, dopo une clamade di jutori di un citadin che al veve a pene blocât cu la sô machine chê dai doi che al cognosseve. Un di lôr, secont ce che al ven contât, al veve trat une vore di colps in direzion de cjase dal so amì comun pôc prin, cence dubi in mût menaçôs.
I militârs a àn identificât i doi autôrs – un om di 55 agns e une femine di 37 agns, ducj i doi residents di Tisane – che a àn consegnât in mût spontani une pistole che e tirave a salve cence il tapon ros, un pacut di cartucjis a salve e un curtis. I ogjets, che a jerin stâts platâts dentri dal veicul, a son stâts secuestrâts. (a.d.g.) – 11.01.2026
