Dilunc dai controi inviâts dai Carabinîrs te fin de setemane a àn fat colâ te rêt cuatri zovins par robarie ingriviade. Si trate di doi minôrs no compagnâts e doi talians di 20 e 18 agns, residents in provincie, che a son stâts denunziâts.
I doi talians a son stâts blocâts tal Terminal Studenti di Udin dopo che a vevin puartade vie robe di mangjâ tal Eurospar. Il personâl de buteghe e al à segnalât i doi laris ai carabinîrs che a àn cjatât dai lôr russacs, di la de robe puartade vie, ancje un martiel e doi curtis grancj, secuestrats daurman, tant che pai doi zovins e je ancje la denunzie di vê puartât di robe buine di ofindi.
I doi minôrs no compagnâts forescj che a jerin lâts vie di une struture che si cjate fûr regjon, invezit, a son stâts cjapâts daspò che a vevin puartât vie vistîts e profums di valôr grant dentri di dôs buteghis dal Città Fiera. I doi zovins blocâts tal parc a vevin la robe puartade vie dentri dai lôr russacs. A son stâts identificâts e puartâts intune struture locâl, intant che la robe e je stade tornade aes buteghis. (a.d.g.) – 24.03.2026
