Cuatri ferîts su la A28 par vie di un incident

Cuatri personis a son restadis feridis, îr di sere, intun incident stradâl sucedût su la A28. Par causis sot investigazion de polizie stradâl, intal trat cjapât dentri tra Çumpiel e Pordenon, in direzion Conean, si son dadis cuintri dôs machinis. Une, par vie dal colp violent, si è capotade suntun flanc. Ativadis dôs ambulancis e l’elisocors, di là des Vuardiis dal fûc.
I ferîts, une volte vudis lis primis curis sul puest, a son stâts traspuartâts al ospedâl di Pordenon e acetâts doi in codiç zâl e chei altris doi in vert. Nissun di lôr al è in pericul di vite. (A.C.) – 28.03.2023