41
Il comitât Udine Sicura al à decidût di inmaneâ par lunis ai 8 di Lui un corteu cidin che al passarà pes stradis de citât par domandâ plui sigurece. Il corteu al tacarà di plaçâl XXVI Luglio aes 7 sot sere e al rivarà fin denant dal municipi, cu la autorizazion de Cuesture di Udin.
“Di une bande o volìn – al à dit Federico Malignani dal comitât – ricuardâ Shimpei Tominaga, vitime de violence in citât, e di chê altre domandâ di jessi scoltâts de bande de zonte, propri dilunc dal consei comunâl straordenari clamât dongje par fevelâ de cuistion de sigurece”. (a.d.g.) – 02.07.2024
