Corot pe muart improvise dal diretôr dal Messaggero Veneto

Mont dal gjornalisim in corot. Al è mancjât vie per gnot Omar Monestier, diretôr di Il Messaggero Veneto e di Il Piccolo. Il gjornalist al à vût un mâl, intant che al jere a cjase. A cjatâlu il fi, che al à dât fûr daurman l’alarme, ma magari cussì no, nol jere plui nuie ce fâ.
Nassût a Belum ai 23 di Setembar dal 1964, Monestier al viveve a Morùs. Al veve vuidât il cuotidian udinês dal 2012 al 2014, par dopo tornâ in Friûl intal 2016. Di Zenâr 2021 al veve cjapât sù ancje la vuide dal gjornâl julian. (A.D.G.) – 01.08.2022