Controlôr agredît suntune coriere de linie urbane di Udin

Tension vuê di matine suntune coriere de linie urbane di Udin, cuant che un passizîr forest di 43 agns, che al vîf in citât, al à dât cuintri al controlôr e, invezit di mostrâ il document di viaç come domandât, al à reagjît cun violence prime cun menacis a vôs e daspò cu la agression fisiche al controlôr.

Chest ultin al à rivât a restâ cuiet e a clamâ i carabinîrs, rivâts de Stazion Est di Udin. Pôc dopo i militârs a àn intercetât il mieç dongje di une fermade e  a blocâ il forest, puartat in caserme e denunziât par agression e violence a uficiâl public. (a.d.g.) – 10.04.2026