I Carabinîrs dal Comant provinciâl di Udin a àn fat îr controi straordenaris sul teritori de ex provincie e in citat, soredut inte zone di Borc Stazion. In dut a son stadis identificadis passe 208 personis (200 i forescj) e ispezionâts 20 machines.
A un extracomunitari di 35 agns, resident in Friûl, a son stâts cjatâts 3.4 grams di marihuana e al è stât segnalât ae Prefeture.
A Udin, une femine di 44 agns resident fûr citât e je stade cjatade ae vuide cjoche, cuntun livel rilevât di passe 2 g/l di alcol. Ancje a Tarcint, un vuidadôr di 36 agns al è stât controlat cu l’etilometri: al veve un tasso alcolemic di passe 2 g/l. In ducj i doi i câs, i vuidadôrs a son stâts denunziâts, la lôr patente sospindude e mieçs secuestrats. (ADG) – 28.10.2022
