La fin de setemane passade dilunc de autostrade A34 dongje Vilès, la Polizie di Stât adun cui veterinaris dal Uvac (Ufficio veterinario adempimenti comunitari del Ministero della Salute), a personâl de Asugi e dal Cuarp forestâl regjonâl, e à controlât mieçs comerciâi pal traspuart di animâi, che a vegnin pal plui di Stâts confinaris e destinâts al marcjât talian dal Nord e dal centri Italie.
I agjents de Polizie Stradâl di Gurize a àn controlât i veicui par aciertâ il rispiet de normative nazionâl e europeane su la tutele dal benstâ dal animâl e il rispiet des normis igjienichis dai mieçs di traspuart. Intal cors de ativitât a son stades scuviertis une schirie di iregolaritâts a cjame di doi autotraspuartadôrs. A ducj i doi a son stadis contestadis lis violazions cun sanzions par un impuart di 4 mil euros
Scuviertis ancje altris iregolaritâts su la sigurece dai veicui, tant che i pneumatics fruiâts di là dal limit di leç, lis lûs ineficientis e il mancjât ûs des cinturis di sigurece. (ADG) -19.10.2022
