La Polizie di Stât di Udin e je tornade in azion cu la operazion “Alto Impatto” ta capitâl dal Friûl, a Cividât e a Tumieç, dulà che tra i 12 e i 13 di Zenâr a son stâts controlâts 417 personis, 148 veicui e vot struturis publics.
A Udin, tal borc de stazion, sîs citadins a son stâts segnalâts par possès di droghis par ûs personâl: a son stâts cjatâts cu 4,1 grams di hashish, 0,8 grams di ketamine e 12 pirulis di Bupropione, une medisine doprade par solit come anti depressîf. Ancje une buteghe e je stade multade par no vê dât fûr lis ricevudis ai clients.
I controi “Alto Impatto” a si son concentrâts intes areis urbanis, tai parcs e tes zonis dongje des stazions dal tren. I servizis di prevenzion e control a àn impegnat personâl de Polizie di Stât, dai Carabinîrs, de Vuardie di finance e de polizie locâl. (a.d.g.) – 16.01.2026
