Ae fin dai controi fats dai carabinîrs dal Comant provinciâl di Udin dilunc des fiestis di Pasche, in cinc di lôr a àn scugnût saludâ la patente di vuide. Altris doi a son stâts arestats dopo jessi stâts cjatâts cun droghe e un altri par vie di un curtis.
I controi a son stâts inmaneâts par prevignî robariis e spaç di droghe cuntune vore di patuliis in azion.
Il câs plui fûr dal ordenari al è chel di un om di 52 agns che al vîf in provincie e che al jere ae vuide di une auto a nauli cence ve la patente di vuide che e jere za stade puartade vie dal Prefet, positîf ancje al alcul test e par di plui ancje cuntun un pôc di cocaine inte sachete e che par chest al è stât denunziât.
Dai cinc cjatâts cjocs ae vuide e che ur è stade ritirade la patente, doi di lôr a vevin provocât un incident, par fortune cence ferîts. (a.d.g.) – 07.04.2026
