Cjatâts in Friûl altris bens leâts in cualchi mût ae mafie. La Vuardie di finance di Triest e à confiscât un ristorant che al lavorave in provincie di Gurize e une auto di cilindrade gruesse, bens intestâts a un imprenditôr di origjin campane che al vîf di timp inte nestre regjon e che al jere za stât condanât tal 2021 pai reâts di associazion par delincui cul fin di traficâ cocaine e che al veve une vore di precedents penai par menace, fraude, bancjerote cun fraude, tant che al jere considerât pericolôs socialmentri de normative antimafie.
Il ristorant, su la fonde des investigazions fatis dai financîrs, al veve propit chest om tant che rapresentant legâl e par slargjâ la ativitât al veve spindût passe 200 mil euros considerâts il vuadagn dal trafic di droghe. (a.d.g.) – 11.02.2026
