Confcommercio e critiche il Comun sui parcaments in place Garibaldi

A son tacadis gnovis polemichis pal parcament di place Garibaldi, indulà che le Confcommercio Udine e à protestat pal fat che a saressin stâts scancelâts cierts puescj a paiament. Il president Rodolfo Totolo al lamente la mancjance di dialic cu lis categoriis economichis e al fevele “di une altre decision cjapade cence fevelâ”.

L’assessôr ae Viabilitât dal Comun di Udin Ivano Marchiol al à però rispuindût che “No sion stâts scancelâts puescj a paiament in place. La Zonte, dopo vê sintût i comerciants che a lavorin su la place e veve decidût di tignî vot puescj, cuatri de bande de farmacie e altris cuatri de bande contrarie”.