Condanât a cuatri agns e 8 mês di preson Ammir Shabbir, citadin pakistan di 43 agns acusât di vê metût lis mans intor a trê frutatis li de autostazion di Çarvignan.
Il fat al è sucedût un an indaûr inte sabide dai 13 di Lui cuant che tor des 11 di gnot l’om si è svicinât aes trê adolessentis tra i 15 e i 17 agns, sentadis suntune bancjute de autostazion juste sot des telecjamaris di sigurece. L’acusât al à tacât a tocjâlis e cuant che lis frutis a àn cirût di slontanâsi al à blocât une di lôr e le à tocjade ancjemò. L’agressôr si è fermât dome cuant che une des frutis i à tirât intor une butilie di aghe. Tal lunis lis trê zovinis a àn presentade denunzie e dât trê fotos fatis al om cul lôr telefonin ai carabinîrs. Simpri lis trê fantatis a àn viodût l’agressôr il dî, dopo intun bar e a àn clamât i carabinîrs, intant che i clients dal locâl a blocavin l’om.
Dut ce che al è sucedût al è stât filmât des telecjamaris di sigurece e la judiç Rossella Miele e à condanât il pakistan ancje al risarciment di 3 mil euros par une des vitimis. (a.d.g.) – 10.07.2025
