Confcommercio cuintri de Ztl a Udin

da Alessandro Di Giusto

Daspò mancul di dôs setemanis di cuant che a Udin e je ative la gnove Ztl, Confcommercio Udine e mostre dutis lis sôs preocupazions su lis modifichis par ce che al rivuarde circolazion e soste dai veicui intal centri storic de citât. La associazion che e rapresente 3.500 impresis e professioniscj e previôt efiets negatîfs par cumierç, turisim, servizis e professions.

“No podìn platâ la nestre fuarte preocupazion su tantis robis, tacant dai parcs pes machinis – al à dit il president mandamentâl Giuseppe Pavan -. Ridusi il numar di parcs al va cuintri i interès di une citât che bielzà e patìs problemis par vie che i parcaments a son pôcs. La aministrazion nus à mostrât un studi fat sul mês di Lui, ma lis valutazions justis a vevin di jessi fatis cuant che al è plui trafic, ven a stâi cuant che i citadins a scuegnin zirâ par cjatâ parcs libars”. (a.d.g.) – 20.03.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui