Comun di Gurize atacât da piratis informatics

“Par tornâ a vê i dâts contignûts intal sisteme informatic dal Comun o varês di paiâ lant daûr des istruzions  chest messaç, se no i dâts a saran publicâts in linie e duncje visibii a ducj”. Al è il messaç cjatât îr sul server dai tecnics dal Comun di Gurize che a jerin daûr a indagâ sul blackout informatic che al veve colpît l’ent vie pe gnot tra domenie e lunis.
“O vin discuviert che, a provocâlu, al è stât un atac pirate al sisteme dal Comun, une robe une vore grave, ancje se cierts impuartants servizis, in particolâr chei de anagrafe, a son stâts dome radâts  stant che a jerin colegâts a servers esternis. Chest nus à permetût di riativâ une serie di ativitâts, par esempli lis cjartis di identitâts eletronichis e i cambis di recapit. Lis certificazions invezit a son ancjemò blocadis”, al fâs savê il sindic Rodolfo Ziberna. I uficis a son daûr a lavorâ par disblocâ prime ducj i servizis, intant che la Polizie Postâl, informade daurman, e je è daûr a indagâ su la vicende. (A.D.G.) – 31.08.2022