Coltivadôr di droghe in manetis a S. Michêl

I carabinîrs de stazion di Cordovât a àn cjapat sul fat un talian di 56 agns, za cognossût aes fuarcis dal ordin, par detenzion cul fin dal spaç di droghis.

La operazion e je partide daspò di une schirie di vuaitis fatis a Morsan da lis ocjis che a àn sburtât i militârs a percuisî la cjase dal om che si cjatave a S. Michêl. Dilunc de percuisizion i carabinîrs a àn secuestrat vot plantis di mariuane, 40 grams di mariuane secjade, un tocut di 45 grams di hashish e doi belancins di precision.

Daspò jessi stât metût ai arescj domiciliârs decidûts de Procure di Pordenon, Il Judiç pes indagjins preliminârs al à convalidât l’arest cul oblic pal om di stâ fer intal comun di residence e di firmâ. (a.d.g.) – 07.09.2026