I carabinîrs dal Nucli radiomobil di Udin a àn dât un colp pardabon fuart al spaç di droghe tal cjâf lûc dal Friûl cul arest di doi traficants che a platavin doi chilis di hashish inte lôr machine.
Il fat al è sucedût tal dopomisdì di îr sul tart, inte zone Est de citât, indulà che i militârs a àn blocât doi zovins che a vevin un fâ suspiet e par vie dal fuart odôr che al rivave de lôr machine. A platâ la droghe a jerin stâts un extracomunitari di 27 agns e une fantate furlane di 23 agns, che a son stâts daurman arestâts cu la acuse di detenzion par spaçâ.
La ispezion fate ae machine e à permetût di cjatâ cuatri pachets di hashish che a son stâts secuestrâts intant che i doi a son stâts puartâts drets intes presons di Udin e Triest. (a.d.g.) – 02.04.2026
