Cjoc in bale, i poliziots costrets a doprâ il taser par blocâlu

Un zovin gjeorgjian di 22 agns cjoc in bale tant di da fastidi ancje ai clients di un bar di vie dal Partidor, domenie di matine, al à cirût di bati i agjents de Polizie rivâts par cuietâlu. Cuant che il cjoc al à cirût di cjapâ a pugns e scalçs i poliziots, chescj a àn tirât fûr il taser e lu àn blocât.

A domandâ il jutori de Scuadre di pront intervent a jerin stâts i coleghis de Polfer che no vevin rivât a cuietâ l’om. Pôc prime, simpri il gjeorgjian al veve dât problemis intun altri locâl indulà che a jerin rivâts in jutori dai poliziots ancje i carabinîrs che ae fin vevin rivât a cuietâlu. (a.d.g.) – 11.02.2026