Cjoc in bale cu la bici in cuintri man a Monfalcon

Al è di no crodi cemût che al rivàs a stâ dret su la bici l’om blocât de Polizie locâl di Monfalcon intant che al coreve in cuintri man in vie Cosulich. Cuant che a àn fat il test pal alcul al è saltât fûr che il tas al jere sîs voltis plui alt di chel permetût (0,5).

Dut câs nol sarès nancje coventât il test, parcè che l’om, a pene che al è stât fermât no dome al faseve fadie a fevelâ, ma al veve intor une puce di alcul di no crodi.

Al è stât multât e segnalât par vuide in stât di ebrietât. Te stesse zornade i agjents di Monfalcon a àn ancje contestat vot violazions tal doprâ i monopatins, parcè che cence sigurazion o vuidâts cence casc. (a.d.g.) – 27.08.2026