Cjatâts muarts doi pakistans dentri di un cjasâl bandonât a Udin

A jerin doi pakistans i oms cjatâts muarts îr dentri di un cjasâl in vie Bariglaria a Udin. I cuarps a jerin in stât clâr di decomposizion e la muart e sarês sucedude par vie di esalazions di monossit di carboni. E je cheste pal moment la tesi dai investigadôrs intervignûts inte matine sul tart di îr te campagne di Beivars. La Procure e à domandât altris aciertaments par tirâ vie ducj i dubis.

I doi pakistans di 35 e 38 agns a varessin cirût di riparâsi dentri dal cjasâl, doprant sac a pêl, brande, cuviertis, butiliis di alcolics e in piçul scjaldin , che di chel al podarès jessi rivât il monossit che ju à copâts. (a.d.g.) – 25.11.2025