Dôs feminis, mari e fie, tal rodin di 66 e 43 agns, a son stadis cjatadis muartis dentri de lôr cjase a Cormons. La scuvierte dai cuarps e je stade fate tal dopomisdì di domenie ai 2 di Avost.
A dâ l’alarme al è stât il fi che al è jentrât te abitazion e al à scuviert i cuarps.
Di ce che si è podût savê sintint che a che a stan daûr des investigazions, a causâ la muart des dôs feminis e je stade la ingjestion di medisinis. I elements cjapâts su dentri de cjase a fasin pensâ che cheste tragjedie e sedi leade almancul in part aes cundizions di salût de mari, che e jere costrete tal liet di un malatie brute.
Lis ipotesi a saressin cussì dôs: la sielte des dôs feminis di copâsi o che la fie e vedi dât lis medisinis ae mari e daspò i sedi lade daûr. (a.d.g.) – 04.08.2026
