52
Tal puart di Triest al è stât scuviert un camion cun dentri 20 chilis di paste di opi, ben platâts dentri dal catalizadôr.
Il mieç al jere di pôc rivât vie naf di Pendik in Turchie, vuidât di un citadin iranian di 44 agns: il personâl des doganis e i agjents de Vuardie di finance tal fa i controi a àn notât che il filtri dal catalizadôr al jere une vore net e cussì a àn decidût di controlâ miôr, scuvierzint un contignidôr metalic cun dentri la droghe, involuçade in strâts di plastiche e cjarte carbon.
L’autist al à cirût di scjampâ ma al è stât cjapât in pôc timp e arestât, intant che camion e droghe a son stâts metûts sot secuestri. (a.d.g.)
