Il cuarp di un om di 66 agns al è stât cjatât vuê di matine tal flum Nunciel, pôc lontan dal puint di Adamo ed Eva a Pordenon. A dâ l’alarme a son stâts citadins che e passavin di chês bandis e che a vevin viodût une sacume che e stave su la aghe puartade ator de corint.
A son rivâts daurman sul puest I Vigjii dal fûc cui lôr subacuis e i agjents de Cuesture. In jutori al è stât clamât ancje l’elisocors che daspò vê fat cualchi zîr parsore de aree al à recuperât cu la binte l’om, puartât dopo a Valnunciel suntune piçule splaze indulà che i sanitaris a àn cirût di rianimâlu par passe 30 minûts.
Magari cussì no il miedi al à scugnût declarâ la muart. Lis investigazions de Polizie a escludin l’intervent di altris personis tal fat. (a.d.g.) – 21.04.2026
