126
Al è stat cjatât a Magnan l’om di 77 agns, jessût îr tal dopomisdì de cjase di polse cence tornâ. Dopo plui o mancul une ore di ricercjis l’om al è stat cjatât dentri de boschete intun sdrup. L’intervent al jere tacât tor 11 e mieze di matine cuant che i Vigjii dal fûc a vevin metût sù il cjamp di base in vie Cividina.
Sul puest a jerin rivadis cetantis scuadris judadis ancje dai cjans dai dronis e dal elicotar rivât di Vignesie, ma lis operazions a àn cjapât dentri ancje carabinîrs di Tarcint, personâl dal Socors Alpin e personâl sanitari.
L’om al è stat recuperât e dât in cure ai sanitaris e lis operazions a son finidis dentri des trê dal dopomisdì. (a.d.g.) – 15.07.2025
