I agjents de Polizie di Stât di Pordenon a àn cjatât l’om di 49 agns che tal dopomisdì di domenie ai 11 di Mai, dilunc de partide di balon tra Pordenon e Unione Smt fate tal stadi “Ottavio Bottecchia”, al veve tirât un bot su la base de scjalinade dal setôr distints. Il sclop al veve provocât lesions a cuatri spetatôrs, che tra chei ancje un minôr e il danezament de vetrine e dal paviment.
Lis investigazions fatis de Digos a àn permetût in pôc timp di cjatâ il colpevul, za cognossût par precedents e ricognossût ancje in graciis di scotaduris intes mans leadis si pense al fat di vê tirât il bot.
Clamât in Cuesture l’om al à ametût di jessi il responsabil dal fat e par chest al è stât denunziât. Il Cuestôr al à ancje decidût il Daspo cuintri dal om cu la improibizion di jentrâ in ducj i implants sportîfs in Italie. (a.d.g.) – 22.05.2025
