Cjatât a Tavagnà il cuarp di un om muart di timp

Il cuarp di un om di 54, muart di timp, al è stât cjatât vuê aes 12.40 intun apartament al numar 56 di vie Matteotti a Tavagnà.

Su clamade dai carabinîrs a son rivâts i Vigjii dal fûc che, cun grande fadie par vie de cuantitât di materiâl che e jemplave ogni cjanton de cjase, a son rivâts a jentrâ dentri, cjatant il cuarp par tiere.

Sul puest ancje il miedi legâl e la polizie locâl. (a.d.g.) – 05.06.2025