Cjatade une pistole intun implant di tratament dai refudums

Un pistole semiautomatiche in calibri 7,65 e je stade cjatade doi dîs indaûr intun implant pal tratament di refudums in vore a Nord di Udin.

A cjatâ la arme, che tal cjariadôr e veve siet cartucjis, un operari che al stave selezionant a man il materiâl plastic.

Intun lamp al è stât blocât il lavôr e a son stâts clamâts ui carabinîrs che a àn cjapât la pistole e le àn puartade tai uficis dal comant provinciâl di Udin par fâ i aciertaments su la divignince e par viodi se e je stade doprade par cualchi at criminâl.

 Si stan fasint ancje investigazions par dissegnâ il moviment dal mieç doprât par tirâ su lis scovacis. (a.d.g.) – 08.09.2026