37
Inte buinore di vuê e je stade cjatade la cubi di escursioniscj che par lôr a jerin tacadis îr lis ricercjis di Vigjii dal fûc e tecnics dal Socors Alpin, dopo che al jere stât dât l’alarme parcè che no si saveve nuie dai doi di miercus passât.
Un dai elicotars doprâts tes ricercjis ju à individuats dongje dai rudinaçs de casere Col Cadorin, indulà che si jerin fermâts daspò vê cjatât aghe e un ripâr di fortune. A vevin decidût di fermâsi in chel lûc parcè che a vevin pierdût il troi e il teren al jere une vore ert, tant che al jere miôr spietâ un jutori.
L’elicotar ju à puartâts fintremai tal cjamp base, metût su a Plan Pinedo a Claut, indulà che a àn podût mangjâ alc in spiete di jessi visitâts dai sanitaris. (a.d.g.) – 07.07.2026
