Schirie di controi dai Carabinîrs dal Nucli ispetorat dal lavôr di Pordenon che a àn fatis multis par passe 60 mil euro stai setôrs dai esercizis publics, de edilizie e de agriculture, ativitât fate cul jutori dal grup pe tutele dal lavôr di Vignesie.
A Pordenon i controi a àn permetût di scuvierzi doi che a lavoravin in neri dentri di impresis edîi e che a cjapavin ancje la indenitât di disocupazion, e un di chei al jere ancje iregolâr.
Tal setôr agricul a son stadis multadis cuatri aziendis tra Vile di Flum, Montreâl, Voleson e Spilimberc, par no ve rispietadis lis normis su formazion, inzornament dal document di valutazion dal risi, mancjance di assegnâts al Pront socors e pal fat di doprâ argagns che no jerin a norme. (a.d.g.) – 22.06.2026
