I agjents de Polizie di Stât di Udin a àn cjapât vie pe gnot di vinars ai 7 di Jugn doi laris di bicicletis che a son stâts denunziâts ae autoritât judiziarie. Il prin al è un om di nazionalitât bengalese, chel altri al è invezit citadin talian, ducj i doi suspietâts di jessi i autôrs de robarie di dôs bicicletis di grant valôr di une rimesse in vie Piutti.
Daspò des segnalazions di cierts citadins, che a vevin sintût rumôrs stranis rivâ vie pe gnot di daûr de glesie di S. Pio X, i agjents de scuadre di pront intervent de Cuesture di Udin e son rivâts daurman in vie Mistruzzi, indulà che a cjatavin doi oms che a mateavin cirint di sfuarçâ il luchet che al blocave lis ruedis di une e-bike.
Dilunc dai controi sui doi oms, e saltave fûr une seconde bici di valôr, ma i doi no savevin displeâ di dulà che a rivavin e i agjents ju àn puartâts daurman in Cuesture. (a.d.g.) – 10.06.2024
