Trê personis a son stadis denunziadis de Polizie locâl di Raviei par vê butât scovacis intune scarpade dilunc de strade regjonâl di Desemon.
Par doi di lôr a stan fasint lis investigazions par identificâju. Lis investigazions fatis dai agjents de Polizie locâl de Comunitât die mont de Cjargne a lavin indenant di mês, doprant ancje foto trapulis e fasint vuaitis, in colaborazion cui agjents dal Cuarp forestâl regjonâl di Vile, e a àn permetût di documentâ il fat che sacs plens di scovacis, gomis di auto e altre robe a vignivin butâts intune aree privade.
Un dai sogjets al è stât becât juste tal moment che al butave vie latinis identichis a chês che za a jerin sul teren. I responsabii a varan di netâ dut a lôr spesis e paiâ une sanzion aministrative. Par di plui a varan di rispuindi di abandon di scovacis, reât penâl che al pues costâ fintremai a 18 mil euros di amende. (a.d.g.) – 02.02.2026
