La colaborazion tra i carabinîrs e la Polizie locâl di Aquilee e à permetût di scuvierzi i delincuents che in doi câs a vevin robât dentri di machinis parcadis daspò vê spacât la barconete.
Chest al è stât pussibil in graciis dal scambi di informazions tra lis dôs fuarcis dal ordin, fat daurman dopo che a jerin stadis visadis dai fat, tant che in pôc timp a àn cjatât i autôrs presumûts des robariis che a son stâts denunziâts ae autoritât judiziarie.
Tai prossims dîs, cu la rivade di cetancj turiscj, a saran rinfuarcîts i servizis di control sedi dai carabinîrs , sedi de Polizie locâl, intant che i controi a saran fats dilunc dute la zornade in graciis dal sisteme di video control comunâl, par prevignî i reâts, garantî la sigurece e rindi Aquilee un model di acet.
“La sigurece dai citadins e dai turiscj – al à declarât il sindic di Aquilee Emanuele Zorino – e je une prioritât assolude par nô. L’invistiment par rinfuarcî la Polizie locâl e intes tecnologjiis di videocontrol, adun cu la colaborazion strente cui carabinîrs e soredut cun Domenico Spanò, comandant de stazion di Aquilee, al stâ dant risultâts che si puedin tocjâ cun man”. (a.d.g.) – 01.07.2025
