Cjapâts i autôrs de robarie in vie Rome a Tumieç

da Alessandro Di Giusto

L’ufici di Polizie judiziarie de Polizie locâl de Comunitât di Mont de Cjargne, dopo une ativitât di investigazion coordenade de Procure de Republiche di Udin, cul judori dal sisteme di videocontrol, e à cjatât i autôrs de robarie ingriviade sucedude in vie Roma, a Tumieç, la gnot dai 18 di Setembar in ocasion de Fieste dal Miluç’.

A son trê personis, doi oms e une femine, origjinaris de Cjargne, ducj maiôrs di etât, che vie pe gnot jentrats intun stand, puartant vie robe di mangjâ par un valôr di plui o mancul 600 euros par dopo fâ une vore di dams. I responsabii a son stâts denunziâts par robarie ingriviade.

Cun di plui, in graciis dal pront intervent dai agjents de Polizie locâl e je stade recuperade la sculture in paie, dal valôr di 600 euros, robade vie pe gnot di scognossûts dulinvie des fiestis di ‘Il Filo dei Sapori’, che al à animât la capitâl cjargnele ai 29 e ai 30 di Otubar. La sculture e je stade tornade ai organizadôrs, che a varessin vût di rimborsâ l’artist intal câs che la opare no fos stade cjatade fûr. (ADG) – 16.11.2022

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui